Aitor Baztarrika
Estatuarekin alderatuz euskal unibertsitateak dira ikasle-irakasle kopuru murritzena dutenak. Euskal unibertsitateetan bataz beste 8,9 ikasle daude irakasle bakoitzeko, estatuko proportzioa ordea altuagoa da: 12,4koa. Euskal autonomia erkidegoan, unibertsitateetan Deustuk 7,2ko ratioa dauka, Mondragon unibertsitateak 7,8koa eta EHUk 7,9koa. Nafarroako unibertsitateak ordea Espainiako batez bestekoa gainditzen du, 13 ikasle izanez irakasle bakoitzeko.
Unibertsitateei buruzko gida bat kaleratu du EROSKI
CONSUMERek. Bertan, unibertsitate bakoitzak eskaintzen dituen titulazio eta
masterrak azaltzen dira, hortaz gain, matrikulen prezioa, gutxieneko nota, leku
kopurua eta beste hainbat xehetasun jakin ahalko ditu erabiltzaileak. Guzti hau
eskuragarri dago interneteko helbide honetan: www. universidades.consumer.es
Ikerkuntza jardunari erreparatzen badiogu, EHU eta
Nafarroako Unibertsitatea dira erreferentzia Euskal Herri mailan. 2011 urtean
572 doktore-tesi egin ziren, horietatik 321 EHUn eta 182 Nafarroako
Unibertsitatean. Administrazio eta Zerbitzuetan (AZL) lanean diharduten pertsonetan Estatuko
Unibertsitateen bataz bestekoa 0,45ekoa da. Nafarroako Unibertsitateak datu
hauek gainditzen ditu (1,3ko AZL dauka) . EHUren eta Mondragon Unibertsitatearen
kopurua ordea oso murritza da, 0,2ko eta 0,3koa hurrenez hurren.
Mondragon eta Deustuko unibertsitateek dituzte
ordenagailu kopuru gehien Euskal Herri mailan, ordenagailu bat hiru ikasleko,
hain zuzen ere. Nafarroan eta EHUn ordea, egoera ez da hain ona, 9 edo 12
ikasle baitaude ordenagailu bakoitzeko. Diferentzia hauek ere zerikusia dute
ematen diren irakasgaietan, Mondragon Unibertsitateak adibidez, 3.000 ikasle
bakarrik izanda 600 enpresekin ditu eginda ikastaldi-hitzarmenak.
Master ofizialen arloan, EHUk eskaintzen ditu gehien
(ehun master inguru). Bertako beste unibertsitateetan ordea, kopuru hau nahiko
jaisten da, Nafarroako eta Deustuko Unibertsitateetan, hogeita hamar dauzkate
gutxi gorabehera, Nafarroako Unibertsitate Publikoan hogei bat inguru eta hamar
Mondragongo unibertsitatean. Hala ere, funtsezkoak izango dira hurrengo
urteetan unibertsitate bakoitzak masterren arloan egingo duen apostua ikustea.
No hay comentarios:
Publicar un comentario